MITAMBAG si World Boxing Council (WBC) president Mauricio Sulaiman nga pagamiton og headgear ang retiradong mga boksidor nga sila si Mike Tyson, 54, ug Roy Jones Jr., 51, sa ilang exhibition bout karong Septiyembre 12, 2020 sa California.

Gawas sa headgear, nidugang si Sulaiman nga pagamiton sab og mas baga nga gloves ang duha ka boxing legends aron maseguro ang kaluwasan niini.

Gipasabot ni Sulaiman nga bisan naa sa saktong kondisyon sila si Tyson ug Jones, mabutang gihapon sila sa delikado nga sitwasyon ning maong exhibition bout gumikan sa ilang pangidaron. (ESL)