Giawhag ni San Miguel Corp. sports director Alfrancis Chua ang Samahang Basketbol ng Pilipinas (SBP) nga sugdan dayon ang pagplano kabahin sa umaabot human sa makasaysayong paglangkat og gold medal sa Gilas Pilipinas sa 19th Asian Games sa Hangzhou, China.

Ang Gilas mokombati og duha ka mayorihiyang international competitions sa sunod tuig lakip na niini ang qualifiers sa 2024 Paris Olympics ug matod ni Chua, mahinungdanon ang sayo nga pagplano hilabi na kabahin sa pagporma og puwersa.

Si Chua maoy team manager sa Gilas apan napupos na ang iyang katungdanon sa national team human sa Asian Games.

“Actually nandoon pa lang kami, I was telling them you have to plan it now,” pasabot ni Chua nga napatik sa Spin.ph.

“Yung celebration, tapos na ‘yun. Nakuha na natin ‘yung ginto. We have to plan it kung ano ang darating.”

Gawas sa qualifiers alang sa 2024 Paris Games, ang Gilas mokampanya sab og qualifying tournament alang sa 2025 FIBA Asia Cup.