KASAMTANGANG gilihok ni Top Rank boss Bob Arum ang usa ka unification bout tali nila ni International Boxing Federation (IBF) super flyweight champion Filipino Jerwin Ancajas ug sa bag-ong kampiyon sa World Boxing Association (WBA) super flyweight division nga si American Joshua Franco.

Plano ni Arum nga ipahigayon kining maong engkuwentro sa higayon nga mahibalik na ang big time boxing karong Septiyembre o Oktubre ning tuiga.

Nagpasabot kini nga ang ikasiyam nga depensa ni Ancajas nga orihinal nga gikatakda niadtong Mayo, 2020 apan nauswag sa wala matino nga petsa tungod sa hulga sa coronavirus disease 2019 (Covid-19) hingpit nang nabasura. (ESL)