GIBANABANANG moabot sa dos milyones ka mga tawo ang maglaray sa nanag-unang kadalanan sa Toronto karong adlawa alang sa victory parade sa Raptors sa pagkahimo niining kampiyon sa National Basketball Association (NBA) sa labing unang higayon.

Si Mike Bartlett, head of community affairs and events sa Maple Leaf Sports & Entertainment, mao ang ninghatag niining maong banabana.

Nagkanayon si Bartlett nga ang mga sumosunod sa Raptors makasinati sa labing dakong kasaulogan sa Toronto.

“We got a few surprises up our sleeves but we are going to leave some of that for (Monday),” matod ni Bartlett. “I can guarantee you that each and every Toronto Raptor will be there as will our front office team.”

Ang mga magduduwa sa Raptors magsakay og double-decker nga mga bus dala ang Larry O’Brien Trophy isip pagsaulog sa ilang kadaugan batok sa Golden State Warriors sulod sa unom ka mga duwa sa finals series.

Giawhag ni Bartlett ang tanang mga sumosunod sa Raptors sa pagsul-ob og bisan unsa nga magrepresentar sa kasaysayan sa Canada.

“This is Canada’s team, so whether it be red, whether it be black and gold, whether it be the old school purple, wear it proud and be part of our 24-year-run to become world champions,” pasabot ni Bartlett.

Si Mayor Mayor John Tory mideklarar karong adlawa nga “We The North” holiday isip paghatag og rekognasyon sa kalampusan sa Raptors.

“As we gather to celebrate the first NBA championship in Raptors’ history, I encourage everyone in our city to show our support, pride, love, and appreciation for this incredible team,” opisyal nga pamahayag ni Tory. (Reuters, ESL)