Mosuway pagposte og dominanteng 3-0 nga bintaha ang Golden State Warriors sa ilang pag-asdang sa balwarte sa Dallas Mavericks karong alas 9:00 sa buntag, Mayo 23, 2022 (RP time) sa Game 3 sa Western Conference finals series sa National Basketball Association (NBA) 2021-22 season.

Ning sangkaa, gilista sa Warriors nga kuwestiyunable ang usa sa ilang mga pambato nga si Andrew Wiggins, kinsa nakasinati og angol sa Game 2.

Hinuon masaligon ang Warriors nga makaduwa ra si Wiggins gumikan kay dili ra man tantong grabe ang iyang pagkaangol.

“I expect him to play,” matod ni Steve Kerr. “It’s just standard procedure when somebody gets an injury, you have to report it. Technically he’s questionable, but we expect him to play.” (AP)