SI three-division world champion ug Olympic gold medal-winning boxer Vasiliy Lomachenko mipalista na sa kasundaluhan sa Ukraine aron pagtabang sa depensa.

Sa iyang Facebook page, gi-upload ni Lomachenko ang iyang hulagway nga nagsul-ob og uniporme sa sundawo ug nagpahulagway uban sa usa ka pulitiko.

Matod sa post nga gikompirmar usab sa daghang Ukranian news outlets nga ang 34 anyos nga boksidor niapil sa Belgorod-Dniester Territorial Defense Battalion, matod sa taho sa spin.ph.

Si Lomachenko di unang world champion nga boksidor sa Ukraine nga nakahukom sa pag-apil sa gubat batok sa Russia.

Ang magsuong Vitaliy, kinsa maoy mayor sa ulohang siyudad sa Kyiv, ug Wladimir, nakita sa video nga nisaad sa pagpanalipod sa ilang nasod.

Si Vitaliy niingon nga nasayod siyang maoy tumong ni Russian President Vladimir Putin tungod kay usa siya sa init kaayong kritiko.

Apan matod niya nga wa na siyay mahimo gawas sa pag-apil sa gubat.