SA kadtong mga nag-struggle human sa sakit nga panagbuwag sa inyong karelasyon, lakip na kadtong wa pa ka-move on, diay pelikula sa Viva Films nga di angay palabyon.

Ang pelikulang ‘366’ mahitungod sa gugma, kasakit ug pag-move on human sa pait nga kasinatian nga sinuwat ug ubos sa direksiyon ni Bela Padilla nga giila nga Philippine Cinema’s Queen of Hearts.

Ang nahisgutang movie mahitungod sa babayeng ginganlan og June, papel nga gidala ni Bela.

Gihatagan og tagal ni June ang kaugalingon og 365 days aron nga maka-get over sa iyang ex-boyfriend nga si Pao (JC Santos).

Samtang ang silingan ni June nga si Marco (Zanjoe Marudo) nisugyot nga magsilbi siyang proxy-boyfriend ug ilang himuon ang mga butang nga wa mahimo nilang June ug Pao sa dihang sila pa.

Sa pangutana og nganong nahimong 366 days bisan aduna ray 365 days ang usa ka tuig, mao niy angay atangan.

Playdate sa Vivamax Philippines karon nang Abril 22.