ANG Pantawid Pamilyang Pilipino Program (4Ps) parent leaders sa lungsod sa Jagna, Bohol nitambong sa Social Health Insurance Education Series (SHInES) campaign sa Philippine Health Insurance Corporation’s (PhilHealth) niadtong Abril 2, 2019.

Ang Parent Leaders niapil sa tunga-sa-adlaw mga kalihokan uban sa Municipal Health Officer (MHO), staff gikan sa Municipal Social Welfare and Development Office (MSWDO) ug Pantawid Pamilya Municipal Links (MLs).

“We tapped you for the campaign because you will play crucial roles in the information dissemination,” matod ni PhilHealth Regional Vice-President Lourdes Diocson.

Ang mga partisipante gihataga og detalye nga pagpasabot kon unsa ang National Health Insurance Program (NHIP).

“Naa nako idea kabahin sa PhilHealth labi kay ang mga 4Ps beneficiaries maka-avail man sa No Balance Billing pero tungod sa activity mas napun-an pa akong kahibalo karon kay natubag ug naklaro na.." matod ni Marissa Garay, usa ka 4Ps parent leader.

Samang kalihokan ipahigayon sa ubang kalungsoran sa Bohol. (PR)