LABING una sa kasaysayan ang global workspace nilagda og franchise partnership tali sa lokal nga real estate developer alang sa pagpalambo sa co-working space sa Kabisay-an ug Mindanao.

Ang Cebu-based AppleOne Properties Inc. (API) nipalapad sa ilang real estate portfolio nga naglangkob sa residential, office, hospital ug mixed-use developments tali sa global workspace provider International Workplace Group (IWG)

Ang duha ka mga kompaniya nilagda sa kasabotan niadtong Miyerkules, Disyembre 18, diin ang global workspace provider International Workplace Group (IWG) mopalambo sa eight centers sa unom ka mga dakbayan sa Visayas region sulod sa lima ka tuig.

Gipahibalo usab ang pagkuha sa duha ka Regus sites sa Cebu.

Ang API maoy unang workspace franchise partner sa IWG sa Southeast Asia ug Pilipinas.

Si API chief executive officer ug resident Ray Go Manigsaca niila sa Cebu City, Lapu-Lapu City, Dumaguete, Iloilo ug Bacolod isip potensiyal nga dapit sa workspace centers alang sa kinatibuk-ang dili mominos sa 2,500 workstations.

Si Joy Veloso, executive vice president sa API, niingon nga ang pagpalad sa kompaniya ngadto sa co-working ug flexible office space segment maoy natural nga kalamboan sa kompaniya nga nag-ugmad og residential ug hotels.

Ang IWG maoy labing dako nga provider sa flexible workspace solutions sa tibuok kalibotan.

“This partnership with such a successful homegrown property developer will help us contribute to suburban economic growth,” matod ni Matthew James Kenley, head of partnership growth sa Asia Pacific sa IWG. (RRM, SunStar Cebu)