MELQUIADITO

M. ALLEGO, JR.

Chicago, Illinois, U.S.A.

Ang yinagubyob ug siyaok sa tren

Nakapugwat kanako. Kuwarentay sayis

Anyos nang na-destiyero ako ning sinagop

Kong yutawhan. Ug kuwarentay sayis upod

Nga maglinog ang tigbayon sa kabukogan

Ning tanlag. Wala kaha ako masayop?

Ngano mang kada kaadlawon pukawon

Man ako sa nagkalidades kamingaw

Kahidlaw kahiwasa ug kahigwaos?

Sama niini karon ug halos susamang higayon

Ang pitlagong ni Mimoy Manananggot

Nakapugwat kanako sa hakhak sa lubi!