WA hinuon direkta nga motubag ang 2018 Miss Universe Catriona Gray sa pangutana og kon dawaton ang tanyag nga maoy modala sa Pinay Superhero nga Darna.

“Am I open for acting po? Yes, I’m open to every opportunity that may come my way. Acting is a field that I have not yet had any experience in but I’m a very eager learner,” sey niya.

“And if the opportunity came to audition for a certain role, I would very much be open to it,” tubag sa beauty queen base sa taho sa ABS-CBN.

Sayo pa, nitumaw ang pangalan ni Catriona sa mga pili-anan nga mohulip sa papel nga Darna sa dihang mi-back out si Liza Soberano gumikan sa finger injury.

Mitumaw sab ang pangalan sa laing Miss Universe winner Pia Wurtzbach ug miingong nga nagplano siya nga mo-audition alang sa maong role.

Nasayran nga si Gray kasamtangan nga nakabase karon sa New York ug midalikyat og pauli sa nasud sa dihang nahimong official endorser sa usa ka fast food chain. (B)