Ang lumad nga taga-lungsod sa Sibonga, Sugbo nga si Kefaiah Al-zair maoy gikoronahan nga Miss Cebu 2023 niadtong Enero 11, sa Waterfront Cebu City Hotel and Casino, Lahug, Cebu City.

Gawas sa maong titulo, nihakot usab si Kefaiah og awards kay siya maoy napili nga Best in Evening Gown and Hinablon Dress, Miss Oro Galleria ug Miss Pagcor Charity.

Ubang winners naglangkob nila ni Patricia Gail Deuñas (first runner-up), Corinthia Marie Empe (second runner-up), Chynna Julienne Dorado (third runner-up), ug Niña Danielle Illustrisimo (fourth runner-up).

Samtang ang winning answer ni Kefaiah sa pangutana nga unsay labing importante nga asset sa dakbayan sa Sugbo ug giunsa kini paggamit sa pag-promote sa siyudad.

“Cebu City is home to endless possibilities... it is the people who are the highlight of Cebu because they are the foundation of Cebu’s tourism industry. Imbued with gratification and happiness is who we are as [Cebuanos]. This is the foundation of Cebu: the Cebuanos,” tubag ni Kefaiah.

Premyo nga nadala sa maong kandidata naglakip sa P100,000 cash gikan sa Cebu City Tourism Commission, P50,000 worth of jewelry sa Oro Galleria ug P50,000 worth of skin services sa Skin 911, ug uban pa. (SunStar Cebu)