KAPUSO celebrities nga sila si Glaiza de Castro ug Gil Cuerva ang pipila sa mga apektado sa baha sa Metro Manila sa miaging adlaw.

Si de Castro mi-tweet og hulagway sa iyang van nga nasanapan sa baha samtang nag-shooting sa Quezon City ug naatlan sa pagbunok sa uwan.

Samtang si Gil ang mi-tweet sab nga na-trap sila sa ilang balay sa dihang ang tibuok palibot nahisama sa dagat base sa taho sa GMA News.

Ang Kapamilya singer – actress Alexa Ilacad ang na-stranded sa baha sa Marikina City nga mi-abot sa dughan ang gilawmon.

“Safe naman kami dito sa 2nd floor ng building pero tumataas nang tumataas ang tubig,” tweet ni Alexa.

Gani milabang siya uban sa iyang grupo paingon sa Marcos Highway alang sa mas luwas nga lugar.

Si Solenn Huessaff sa iyang bahin mi-react sa mga nanglutaw nga basura nga matod pa mas angayan nga tutokan sa kagamhan inay ang paglabang sa balaodnon nga nag-ban sa “driver-onlycar rule”.