BALIK-tambalan karon ang Jane Oineza ug RK Bagatsing sa pelikulang “Us Again” sa Regal Entertainment ug sa direksyon ni Joy Aquino.

Nakita nato ang ilang tandem sa teleseryeng “Araw-gabi” sa miaging tuig kauban si Barbie Imperial. Karon sa big screen na usab nato makita ang duha mahitungod sa sayop nga gugma ug imposibleng magkadayon, pero sila gyud kaha sa kaulahian? Kini tanan matubag sa pelikulang “Us Again.”

Human sa mga pelikulang “Ang Henerasyong Sumuko sa Love” ug “Finding You” sa miaging tuig ni Jane Oineza, karon bidang bida na usab ang dalaga kapartner si RK nga nag-”Cuddle Weather” kapareha si Sue Ramirez sa miaging tuig.

Super busy ang duha sa pag-promote sa ilang pelikula karon. Sa “It’s Showtime” hapit kada adlaw nako silang makita.

Kauban usab nila ang ultimate winner sa bidaman nga si Jin Macapagal sa “Us Again” nga showing na karong semanaha, ay’g saba!

Malipayon ang Xian Lim sa pagsugod pa lang sa tuig 2020, booming ang iyang career ug blooming sab ang ilang relasyon sa iyang reel ug real loveteam nga si Kim Chiu.

Korek kay gawas nga may teleserye kini nga makita nato sa Kapamilya gold human sa “It’s Showtime” kauban ang love niining si Kim may pelikula usab kini nga salida karon sa mga sinehan ang “Untrue” kapartner si Cristine Reyes.

Daghan og gipasalamatan ang aktor labi na sa mga nindot nga mga review sa iyang pelikula ug sa teleserye niini.

Basta matag hapon pakigdate kang Xian Lim sa “Love Thy Woman” ug ayaw sipyata ang pelikulang “Untrue”, ay’g saba!

Karong gabii na ninyo makitag balik ang inyong gikamingawan nga si Julia Montes sa telebisyon sa serye nga “24/7” matag-Domingo sa gabii diin apil sa cast silang Joem Bascon, Arjo Atayde ug uban pa, ay’g saba!