BUSY na sad karon si Julia Montes. Kay di lang usa kundi duha dayon ang iyang teleserye.

Ang “24/7” masundan nato sunod Dominggo sa gabii nga sa trailer nga atong nakita aksyon-drama ug may epidemya pa nga nahitabo.

Kon wa ko masayop mao ni mohulip sa natapos nga seryeng “The Haunted” nila ni Shaina Magdayao ug Jake Cuenca.

Hatod kini sa Dreamscape Entertainment nga mao usab ang nagpaluyo sa “The General’s Daughter” ug ang super hit nga “FPJ’s Ang Probinsyano.”

Makauban dinhi ni Julia Montes silang Edu Manzano, JC Santos, Arjo Atayde, Joem Bascon, Pen Medina, Matt Evans, Anna Luna, Meryll Soriano, Melissa Ricks, Allora Sasam ug uban pa.

Sasabak sa maaksyon nga serye ang Julia kay atong nakita ang actress nga nag-praktis sa arnis ug firearm.

Ang ikaduhang teleserye ni Julia ang “Burado” nga bituonan usab nilang Nadine Lustre, Zanjoe Marudo, Paulo Avelino ug Thai actor Denkhun Ngamnet.

Kauban usab sa cast silang Matet de Leon, Lotlot de Leon, Angel Aquino, Carmi Martin, Ina Raymundo, Joko Diaz, Raymond Bagatsing ug McCoy de Leon.

Siguradong lipay kaayo karon ang fans ni Julia kay taod-taod usab siyang nawala sa telebisyon, ay’g saba!