NAGKAINIT ang showbiz career ni Kit Thompson karon. Human nahimong housemate ni kuya sa Pinoy Big Brother house nisulod kini sa pag-artista.

Hangtud nga nawagtang og kadiyot ug ato na lang nakitag balik sa blockbuster movie nga “The Hows of Us” nilang Kathryn Bernardo ug Daniel Padilla.

Nalakip usab kini sa teleseryeng “Sino ang maysala Mea Culpa” kauban nilang Jodi Sta Maria ug Tony Labrusca. Na-link siya niadto kang Miss Universe Pia Wurtzbach, apan iya ning gi-deny.

Karon may pelikula na kini nga ipagawas sa buwan sa Agosto nga usa sa mga opisyal nga entry sa Cinemalaya Film Festival.

Gipagawas na ang official trailer sa maong pelikula, ang “Belle Douleur” sa Quantum Films ug sa unang higayon managpartner dinhi silang Kit Thompson ug Mylene Dizon.

Sa nakita nato sa trailer usa kini ka mainitong love affair sa usa ka guwang nang babaye nga si Mylene isip “Elizabeth” ug ni “Jon” nga mao si Kit nga mas manghod og 20 anyos sa babaye.

Bisan pa man ug sa love story kini naka-focus apan ang pelikulang “Belle Douleur” o beautiful pain, nagsugilon sa lakaw sa babaye sa pagpangita sa iyang freedom ug kalipay.

May gisugdan usab karon nga salida sa iWant ang “MOMOL nights” diin si Kit Thompson usab ang kapareha sa bidang babaye nga si Kim Molina.

Dugay nakong nakadungog aning term nga momol diin ang pasabot “make out make out lang”.

Dakong break usab kini kang Kim Molina nga dugay na natong nakita sa pelikula ug telebisyon.

Katapusan nako siyang nakita sa “Camp Sawi” ug sa mga teleseryeng “The General’s Gaughter” ug “Kadenang Ginto”.

Ang “MOMOL nights” gikan sa direksyon ni Benedict Mique ug streaming na karon sa iWant. Kit Thompson ug Kim Molina nagka-init ang mga showbiz career, ay’g saba!