NAA na diay bag-ong uyab ang John Lloyd Cruz? Mao kini ang daghang pangutana nga atong nadunggan.

Dugay sab nga natanggong dinhi sa Sugbo ang gwapong aktor human nga nagkabulag sila sa Cebuanang aktres nga si Ellen Adarna.

Murag tuig na usab nga napakgang ang relasyon niini sa aktres apan may gwapo silang anak nga Elias Modesto ug mao sab kini ang nabusyhan sa aktor, bonding ug pag-atiman sa baby nilang Ellen.

Apan karon aduna’y mga nanggawas nga mga picture ni John Lloyd uban sa Cebuanang rider sa motor ug vlogger nga si Jet Lee.

Mao nga daghan ang may espekulasyon nga ang aktor ug ang babaye aduna’y relasyon tungod sa mga nakitang picture sa duha nga medyo sweet usab.

Total malipayon naman sab karon ang inahan sa iyang anak nga si Ellen uban sa bagong ka date niini nga usa ka Spanish football player.

Karon nga nang-react sa mga balitang si John Lloyd may bag-o na usab nga girlfriend, hinuon wala pa man usab kini gikompirmar sa aktor.

Atong masugatan ang mga tubag niini sa mga post unya ni Lloydie sa Instagram.

Mao nga sa pagkakaron paaboton lang nato ang kompirmasyon ni John Lloyd kon sila na ba gyud sa Cebuanang si Jet Lee, Ay’g Saba!

Usa ko sa mga gimingaw ni Kris Aquino, gani ma-miss sab gyud nato ang morning show niya nga atong gitutokan pirme.

Ang iyang pag-interbyu ug mga pinakurat nga mga pangutana sa iyang mga bisita.

Ang iyang mga teleserye ug pelikula nga bisan daghan usab ang wa ka uyon sa host/actress, apan padayon silang gasubay niini.

Murag mo-duha na ka tuig nga nipahulay si Kris sa showbiz apan aktibo gihapon kaayo kini sa social media.

Gani padayon natong gisundan ang kinabuhi ni Kris ug sa iyang mga anak sa perming trending nga vlog niini.

Sa mga fans niya kanunay siyang makita nato sa social media ang mga vlog uban sa iyang mga anak ug ang ilang pagsuroy sa nagkadaiyang dapit.

Dinhi matagbaw na lang usab ang iyang mga panatiko nga padayon nga nagsuporta ug nag-atang kaniya sa social media.

Karon usab mipabuhagay ang Kris sa iyang mga pasalamat sa tanan niyang mga supporters.

Mapasalamaton usab siya sa iyang pamilya ug mga igsuon nga kanunay kauban ug gi-ubanan sa iyang mga pag-ampo.

May bagong chapter nga atubangon karon ang Queen of All Media, sa iyang mga post wala lang niya gipahibaw kon professional o personal ba kini.

Basta matod pa niya nga sa mga nagpaabot sa iyang pagbalik, daghang salamat ang iyang gibuhiang pamulong sa tanang wala gyud mo-surrender kaniya ug nagpabiling loyal.

Kon unsa man kini, ato lang paabuton di vah, Ay’g Saba!