ANG nagkalainlaing education-related projects sa Visayan Electric Company, Inc. (Veco) maoy hinungdan nga giila sa Department of Education (DepEd) isip usa sa ilang importanteng kauban alang sa maayong edukasyon.

Ang DepED Central Office niila sa Veco atol sa Partners’ Appreciation Event sa Bulwagan ng Karunungan at the DepED Complex sa Pasig City niadtong Pebrero 12.

Lakip sa giila mao ang Aboitiz Foundation Inc. ug ubang business units sa AboitizPower ug Aboitiz group.

Si DepEd Secretary Leonor Magtolis Briones nipasabot sa kaimportante sa ilang pakig-uban sa private sector sa pagtubag sa educational requirement gaps.

Matod niya nga ang suporta gikan sa DepEd’s partners dako og natampo sa pagtubo nga public trust ug approval rating sa departamento sulod sa miaging duha ka tuig.

“Hindi namin talaga kaya. We are not just running after your money or your resources; we’re running after your expertise, your knowledge, and your own experience with our learners who joined your organizations when they already start working. We want to work with you because education is a joint responsibility,” matod ni Briones.

Ang Veco’s education-related projects naglakip sa upgrading sa wiring systems sa mga tunghaan, construction sa e-learning facilities alang sa elementary schools ug electrical laboratories alang sa secondary schools offering Electrical Installation and Maintenance tech-voc course.

Sa pagkakaron, ang Veco uban sa Aboitiz Foundation, naka-rewire na og 3,719 classrooms sa mga tunghaan sulod sa iyang franchise area. Nakatukod og duha ka e-learning centers sa Sugbo. (Tampo)