SENATE President Vicente Sotto III mi-awhag sa Malacañang nga kon gibulgar ni Presidente Rodrigo Duterte ang listahan sa narco politicians angayan lang sab nga iyagyag ang identity sa celebrities nga giingong nalambigit sa drugas.

“Might as well name the celebrities patronizing these drug pushers.

“At least ‘yun pag galing sa pusher ang info, validated,” tipik sa pamahayag ni Sotto, sigun sa report sa GMA News.

Nasayran nga si PDEA Special Enforcement Service director Levi Ortiz wa una mohatag sa mga pangala sa lalake ug babaye nga celebrities kansang mga pangalan nakita diha sa cellular phone niadtong alleged party drugs supplier Steve John Pasion, nga napatay atol sa gihimong buy-bust sa Manila niadtong Lunes (Maros 11).

Tug-an ni Ortiz nga ang maong celebrities buot mopalit og 200 pieces nga ecstasy diha ni Pasion.

Dugang pa nga ang PDEA taod-taod nang gi-monitor ang maong celebrity human ang ilang pangalan motumaw nga involved sa illegal drugs. (B)