HUMAN sa siyam ka tuig sa Philippine television, ang noontime show sa ABS-CBN nga It’s Showtime nakuha og labing unang international franchise.

Ang Indonesiasn media company MNCTV gipaabot nga molusad sa ilang version sa maong show.

Niadtong Sabado, Marso 16 ang MNCTV mi-post og video sa Facebook nga nagpakita sa opening theme sa It’s Showtime nga gi-awit sa Bahasa dialect, taho sa PEP.ph.

Kahinumduman nga niadtaong 2012 ang Eat Bulaga sa GMA7 maoy labing unang Philippine noontime show nga gi-franchised sa laing nasud.

Ang Eat Bulaga! Indonesia gipasalida sukad niadtong 2012 – 2014 sa SCTV network samtang nagkadaiyang Indonesian TV station ang mi-franchise usab nga gi-air gikan sa 2014-2016. (B)