NATANGGONG na hinuon ang paghimo sa action-fantasy movie nga “Pedro Penduko” sa dihang mi-atras si James Reid nga maoy mamahimong lead star.

Mismo ang Viva ang talent agency nga nag-manage sa career sa actor nga miluwat sa ilang opisyal nga pamahayag kabahin sa pag-back out ni Reid gumikan sa iyang spinal injury.

Hinungdan nga dili makahimo ang actor sa mga intensive training nga gikinahanglan ug major stunts sa mga eksena sa mao unyang pelikula.

“James has spent over a year training and getting ready for this film and Viva truly appreciates his dedication and commitment to this project.

“Viva respects James decision and wishes him a speedy recovery,” tipik sa statement sa Viva.

Samtang ang director sa “Pedro Penduko”, Treb Monteras mitug-an sa PEP.ph nga wa pa silay nakitang ipuli ni Reid ug siya nagtuo hayan maglisod sila sa pagpangita og actor nga mohaom sa maong role ilabi na nga ang script nga gihimo gipahaom ngadto sa orihinal nga actor nga modala niini.

Nasayran nga si Reid maoy labing uwahing actor nga mi-back out sa superhero movie human nila ni Angel Locsin ug Liza Soberano kinsa pulos na injured samtang nangandam alang unta sa Star Cinema “Darna” movie. (B)