NGAYON at Kailanman” ang bag-ong serye sa Kapamilya network nga magsugod ugma sa primetime bida human sa “Ang Probinsyano” ni Coco Martin.

Mao kini ang unang teleserye sa “Joshlia” loveteam nilang Joshua Garcia ug Julia Baretto, human nato makita ug gisuportahan ang duha sa upat nga mikitang pelikula nga ilang gibidahan, sa “Vince & Kath & James”, “Love you to the stars and back” ug ang “Unexpectedly yours.”

Malipayon ug excited ang “JoshLia” kay makita na gyud nato sa telebisyon.

Pareho silang gikulbaan sa mga karakter nga ilang gidala, si Joshua rich boy ug si Julia poor girl, di ba kadakong bali sa tinuod kinabuhi?

Kon lisod para sa dalaga, mas lisod sad para kang Joshua nga englisero ang karakter.

Mao nga sobrang challenging kaayo nila ang teleserye. Samot pa kon dunay mga confrontation scene, kinahanglan derecho iyang dialogue, spontaneous, dili mag-bakel, fluent, sakto ang pagka-sulti ug kinahanglan dili sila masayop.

Kauban nilang Joshua Garcia ug Julia Baretto silang Iza Calsado, Alice Dickson, TJ Trinidad ug Jameson Blake.

Makauban usab silang Rio Locsin, Ina Raymundo, Christian Vasquez, Dominic Ochoa, Ana Capri, Rey Abellana, Maria Isabel Lopez, Ronnie Lazaro, Joao Constancia ug ang pagbalik ni Rosemarie Gil.

May espesyal nga partisipasyon dinhi silang Dante Rivero, Manuel Chua, Nanette Inventor, Justin Cuyugan, Mercedes Cabral ug Nico Antonio.

Ugma na sa Kapamilya network ang “Ngayon at kailanman” nga nihulip sa “Bagani.” ay’g saba!

Human sa “The Hows of Us” sa KathNiel nga hapit na ang showing sa mga sinehan, may bag-ong proyekto si Kathryn (minus Daniel) isip anak sa balik-tambalang pelikula nilang Richard Gomez ug Sharon Cuneta.

Kinsa kaha ang mahimong kapareha dinhi ni Kathryn? Ma-tsugi na kaha ang loveteam nilang “Kathniel”? Ay’g saba!

Malipayong pagsaulog sa adlaw nga natawhan sa akong mahal Elvira “Dada” Palon-Vidad Palatulon karong Huwebes petsa 23, gikan sa nagmahal nimong pamilya, mga suki diha sa imong carenderia sa Asian “Rheypal’s eatery.” Happy birthday, ay’g saba!