UNSAY kapalaran nga nagpaabot alang sa mga celebrity love team niining Year of the Metal Rat?

Sigon pa sa feng shui expert nga si Master Hanz Cua, sa interview sa ABS-CBN, nga nindot ang forecast karong tuiga mahitungod sa gugma o relasyon.

Apan iyang gihulagway nga “flirty” ang personalidad sa rat sign busa dili sab angayang mokumpiyansa.

“Magandang taon ito para makahanap ng soulmate or ng love star niyo, pero kung may partner na kayo, this rat is very flirty... Prone sila magkaroon ng third party this year,” saysay ni Cua.

Iyang nakita nga maayo ang compatibility nila ni Daniel Padilla ug Kathryn Bernardo base sa ilang tagsa-tagsa ka animal sign.

Samtang “harmonious” kining tuiga alang nila ni Liza Soberano, nga natawo sa Year of the Ox, ug Enrique Gil, nga Year of the Monkey.

“Both sides are oks na oks sa Year of the Metal Rat. Marami silang plans lalo na pagkatapos ng June,” matod pa sa feng shui expert.

Bisan pa man nga nagbuwag sila si James Reid at Nadine Lustre nga pulos natawo sa Year of the Rooster, maayo ang sud sa kuwarta alang nila ilabi na sa negosyo.

“Sa year 2020 tumatawag siya [Year of the Rooster] ng maraming benta, ang mga deals at connections niya lagi niyang nako-close,” asoy ni Cua, kinsa nipahinumduman nga magsilbi lang kining giya apan ang kugi ug paningkamot maoy labing importante. (B)