ANG Central Democratic Guardians Brotherhood, Inc. (DGBI) padayong nipalambo sa ilang programa nga “#love2serve” pinaagi sa halos binulan nga feeding activity sa mga nagkalain-laing sityo ug purok nga nahisakop sa ilang lugar o chapter.

Niadtong Hunyo 3, 2018, ang grupo nipahigayon na usab og pagpakaon ug sustansyadong pospas inubanan sa paglingaw sa kabataan pinaagi sa parlor games diha sa Purok Kamunggay, Barangay Calero, lungsod sa Lilo-an, Sugbo.

Hilabihang lipaya dili lang ang mga kabataan kundi lakip na sa tanang residente sa maong lugar.

Ang Central DGBI Cumpang Chapter nga gidumala ni Mr. Ronnie “FRMG Ron” Cuyos maoy usa sa blabing aktibo nga chapter sa Central DGBI nga gipangulohan sa ilang labing labaw nga si Feliculo “GSMF Double Delta” Lecciones, Jr. (PR)