Karong daghan na sa mga taga-showbiz ang nabakunahan na, tingali daghan na ang madasig ug ma-enganyo nga magpabakuna usab.

Bisan ang mga celebrity nga naila nga mga kritiko sa administrasyon apil diay gani sa mga nabakunahan na.

Hapit na man gud ang eleksyon. Morag ubay-ubay ra ba gyud ang modagan sa showbiz. Siyempre magpabakuna gyud isip role model.

Kinsay kumpirmadong managan?

Base sa nasagap nakong tsismis silang Aiko Melendez (for congresswoman sa District 5 sa Quezon city), Richard Yap (for congressman for Cebu City’s North District), Nora Aunor (senator), Coco Martin (senator), Luis Manzano (vice mayor), Manny Pacquiao (president) ug daghan pa.

Na hala. Vote wisely na lang (and suffer the consequences later?)

DITO

Unsay gigamit ninyo nga internet karon?

Karong bag-o nibalhin ko sa Dito kay kadtong GoSurf50 promo sa Globe dili abtan og tulo ka adlaw takulahaw lang nga mahurot dayon.

Sa Dito sa P199 duna na kay 25GB high-speed data valid for 30 days plus duna pa kay unlimited text and free 300 minutes of calls to other networks ug unlimited Dito-to-Dito calls and text.

Unya ang dili nimo mahurot nga data i-carry over pa nila ni sa sunod nimong load. Ang nakanindot pa gyud kay ma-monitor nimo pilay na-consume nimong data.

Dili compatible akong phone pero duna ray giusab sa setting nga free ra. Wa abtig 5 minutos connect dayon.

Naa ra man diay ni. Barato pa kay bag-o pa man.

Sige na lang kay sa ubang network nga P50 for 2GB and valid for 3 days pero 2 pa lang ka adlaw hurot na.

Wa pa gyuy unlimited text and free calls.

VIRAL VOCALIST

Kabantay ba mo anang Limuel Llanes nga bokalista sa bandang Ice Bucket nga maayo kaayo mokanta og “She’s Gone” sa Steelheart ug mga Air Supply ug Queen nga cover nga nag-viral sa YouTube?

Naa sad gani silay video ni Jovit Baldivino nga nag-duet og “She’s Gone” samtang nag-inom. Pero walawala si Jovit sa kataas sa tingog ni Llanes.

Si Llanes ug ang IceBucket regular nga banda sa Hardrock Café sa Manila. Kon moapil ni siyag The Voice o Tawag ng Tanghalan sigurado gyud ning mo-champion.

Pero wa kuno ni moapil kay kapoyan siya anang singing contest. Sus, kasayang.