Ang Kalon Band mipasigarbo sa ilang orihinal nga komposisyon nga awit nga ‘Marukoy.’

Asoy sa maong banda nga ang ilang rhythm guitarist nga si Junrick Loyax nakahuna-huna nga mohimo og awit mahitungod sa usa ka higala nga iyang gihulagway nga traydor ug di kasaligan.

Mensahe sa maong awit nga dili angay ihatag ang kinatibuk-ang pagsalig ngadto sa uban kay taas ang kahigayonan nga mangunay bisan nga giilang higala.

Ang Kalon Band natukod niadtong 2019 nga gilangkuban nilang Junrick, Rayce Dingding – drummer, Dante Delit – bassist, John Carlo Cababahay – lead guitarist, ug Ruffy Alfeche Jr. – vocalist.

Panghinaot sa banda nga makaanam na sila og record sa ilang mga orihinal nga Bisrock song aron nga makabaton na sila sa ilang gidamgo nga maka-angkon og album.