STANDING ovation ang nadawat sa tulo ka mga singer gikan sa mga Sugboanon atol sa The ACES sa Waterfront Hotel niadtong Sabado, Pebrero 2.

Ang mga singer nga sila si Darren Espanto, Jona, ug Lani Misalucha mipabilib sa mga Sugboanon sa labing una nga hugna sa ilahang ACES concert sa nasod.

Sa Sugbo ang first leg niini diin gikatakda usab nga mag-concert ang tulo sa Davao ug sa Manila.

Gawas sa kamaayo ni Darren nga nakasabay nila ni Jona ug Lani, ang performance sa tulo nga opera ang gikanta niini mao ang makapanlimbawt ug gibarugan sa mga Sugboanong nanan-aw sa maong concert.

Mabantayan usab nga dili kaayo daghan og tawo ang maong concert apan bisan paman niini dugay kini nahuman ug daghang kanta ang tanyag sa tulo.

Gitawag nga ACES ang maong concert kay daw mga alas ang tulo sa ilahang talento ug diin mihatag usab sila og hustisya niini. Sa 9:00 na sa gabii na dihang hingpit nakasugod ang concert. (HBL)