GIATNGAN sa fans ang panag-abot sa Hall of Famers sa Metro Manila Film Festival nga mga nahimong best actress kaniadto, nga sila si Nora Aunor, Maricel Soriano ug Vilma Santos.

Ang awards night sa 45th MMFF gipahigayon niadtong Disyembre 27 sa New Frontier Theater, Araneta Center, Quezon City.

Ang maong mga veteran actress wa makatunga sa nagkadaiyang rason, gani adunay proxy gipadala sila si Nora ug Maricel nga maoy nipadangat sa ilang acceptance speech.

Apan way representative nga nibarog alang ni Ate Vi.

Base sa report sa PEP.ph nga nagpaingon na diay unta sa event’s night ang actress apan wa kini molahos.

Base sa kasaligang tinubdan nga nakasinati og wardrobe malfunction si Vilma hinungdan nga mipauli nalang.

Wala matino kon unsang matang sa pagkaguba sa iyang gisul-ob, posibleng nalangkat ang zipper o ba kaha natangkas ang tahi. (B)