TALIWALA sa kalisdanan gumikan sa nagpadayong nasinate nga pandemic resulta sa Covid-19 wa kini mahimong babag sa pagkaporma sa Bisrock band nga 'This Is It.'

Ang guitarista nga si Michael Abanilla nagkanayon nga sa dihang gipatuman ang lockdown niadtong unang bahin ning tuiga nagkatapok ang mga Bisrockers nga nagkalingaw og himo og music vlog nga gi-upload sa ilang YouTube channel.

“Kaya ra gyud mapangitaan og paagi kon gustohon gyud nga maghimo og kanta,” pamahayag ni Abanilla.

Tungod sa ilang passion sa musika malampuson nila nga nakompleto ang bag-ong awit nga “Paano.”

Nagtinabangay ang tanan gikan sa music arrangement, human namugna ang kinatibuk-an lyrics ngadto na sa pag-record sa maong awit pinaagi sa suporta sa local recording studio ni Kimson Fuentes sa Lungsod sa Minglanilla.

Ang awit nga 'Paano' mahitungod sa duha ka childhood bestfried nga opposite sex apan ang lalake gitakda nga ikasal sa laing nilalang nga gikasakit sa bff nga babaye.

Mas gipili ni bff nga kutlu-on ang iyang kaugalingong kinabuhi inay nga magsud-ong nga kaslon sa laing ang lalake nga natingban sa iyang pagmahal.

Ang This Is It Band gilangkuban nila ni Lynn Servado ug Jastin Alcover – vocals, Michael Abanilla - rhythm guitar, lead guitar - John Paul Cosido, bass - Benjoy Austria samtang ang drummer si Arnel Abanilla. (FVQ)