Malingaw ko ning fans sa mga artista nga nagyawyaw sa social media bahin sa lovelife sa ilang mga idolo.

Karong bag-o lang, sila si Derek Ramsay ug Ellen Adarna ug gisundan ni Gerald Anderson ug Julia Barretto.

Nagyawyaw ang mga fans kay lagi, di kuno moangkon dayon unya diay.

Kon nakamatikod mo, di kaayo ko tighisgot bahin sa lovelife sa mga artista. Bati-on god nako nga giilad ko kon lahi ang tubag sa molugwa ngadto ngadto.

Bisan gani sa personal kon dunay interbyu, iagi ra man namo’g komedya ang pangutana kay segurado man gyud nga di motug-an.

Di sab namo mapugos ang artista kay iya man god nang kinabuhi ug duna siyay katungod sa pagladlad o sa pagtago sa unsa may nanghitabo niini.

Ang uban gani kay mahibaw-an na lang nga nagka-uyab kon magbuwag na. Wa tay mahims.