NAKATAYMING ko sa kanta nga ‘We Heal As One’ sa One Sport+ channel, tumong niini ang pagtigom og pundo alang sa frontliners sa pakigbatok sa Covid-19.

Ang mga nihimo sa kanta sila si Ryan Cayabyab (music), Floy Quintos (title ug lyrics), Jimmy Antiporda (musical arrangement ug mixing), Eloisa Matias (music producer) ug Frank Lloyd Mamaril (music video director).

Gawas sa mensahe, nalingaw ko tungod sa mga nikanta niini nga sila si Iñigo Pascual, Julie Anne San Jose, Jed Madela, Pops Fernandez, Mark Bautista, Jamie Rivera, Rita Daniela, Paolo Valenciano, KZ Tandingan, Aicelle Santos, Isay Alvarez, Menchu Lauchengco, Ogie Alcasid, Michael Williams, Robert Seña, Alden Richards, Ken Chan, Christian Bautista, Martin Nievera, Sarah Geronimo, Bamboo, Lani Misalucha, Gary Valenciano, Apl de Ap ug Lea Salonga.

Bisan tuod kon wa pa gyud ko nagpatugtog og kanta sa Pasko sa akong player ug cellphone kay naghulat pa ko nga moabot ang Disyembre 1, di ra nako balhinon sa laing estasyon sa radyo kon ipatukar ang kang Jose Mari Chan nga ‘A Perfect Christmas.’

Kini tungod kay naghisgot kini sa panghinaot ug pangandoy kon moabot na ang Pasko.

Sa ato pa, swak ra ang kanta karong nagsingabot pa ang Pasko ug kiwaw na kining kantahon pa kon Pasko na.

Niadtong niaging semana wa lang tuyoa nga nakita nako ang Frozen sa TV. Nalingaw ug nakasabot ko nganong nikita kini og dako sa tibuok kalibutan. Makatawa lang ko panagsa kay may mga higayon nga malibat ang mga characters.

Mapagarbohon si Nadine Samonte sa iyang pagnegosyog bulad. Makadayeg ko aning mga artista nga naningkamot makakitag kwarta sa minaayong paagi.

Kon kang Eric Fructuoso pa nga nakit-an di pa kaayo dugay nga nagdrayb og traysikol, ‘kapag ligal, walang dapat ikahiya.’

Sakto gyud. Padayon mga idol!

Nidugang si Laurenti Dyogi sa ABS-CBN nga daghan pang proyekto ang ilang gipagawas sa digital platforms sama sa mga pelikula nga gihimong digital, mga serye sa iWant TFC streaming service, mga salida sa For Your Entertaiment channel nga makita sa Kumu App, mga kanta ug uban pa.

Sa gustog updates sa digital shows, niawhag si Laurenti sa pag-subscribe sa YouTube channels ug pag-follow sa Facebook, Twitter ug Instagram pages sa ABS-CBN Films, Star Cinema, Kumu, Black Sheep, Star Music, Star Events, Star Hunt, MYX ug ABS-CBN Entertainment.