NASAYUD ba mo nga ang mga titik sa Sinulog Festival Theme Song (Isyagit og kusog!) gitagik sa Cebuanong si Dandin Ranillo sud lang sa tulo ka adlaw?

Samtang ang musika iyang gimugna sud lang sa 30 minutos nga matod ni Ranillo sa interbyu sa Superbalita Laysho nga basta na lang nitunga sa iyang hunahuna.

Ang chanting nga “Pit Senyor kang lola kini”.. konsepto tanan ni Dandin Ranillo nga iyang gihimo sa tabang sa mga bata nga gi-record pinaagi sa multi-tracking.

Apan wa na siya kahinumdom kon asa nga recording studio ug kinsa tong mga bataa.

Ang orihinal nga Sinulog Festival Theme Song na-record late 1980s nga nigawas sa unang album ni Dandin nga “Cebu” sa Vicor Records.

Matod ni Ranillo nga nitabang usab sa musical arrangement sa theme song sa Sinulog ang sikat nga bokalista ug gitarista sa `70s Hotdog Band nga si anhing Rene Garcia.

“I wanted to write a song that tells about the story and purpose of the festival, by just a repetitious chanting. I did a research ug ang akong mahinumdoman basta moadto kog Basilica, dunay mga bata magsinug, manampit. I just put it all together to give meaning to the Sinulog,” ni Ranillo nga tua na nagbase sa Amerika.