Palahi ta sa atong edition sa Super Suroy karon semanaha, human nga ang Sugbo nalakip sa kabangis ni Odette niadtong Disyembre 16.

Gibate og kalisang ang mga Sugboanon sa dihang mikuso-kuso si Super Typhoon Odette, base sa taho nga ka-siyam mi-landfall ang bagyo sa wa pa mobiya sa Philippine Area of Responsibility niadtong Disyembre 18.

Si Odette maoy ika-15 nga bagyo nga misulod sa nasud nga mibungkag sa kabalayan, establisemento, mipatumba sa mga poste sa kuryente, punoan sa kahoy ug uban pang kadaot.

NAGUSBAT

Sa karon nga edition atong lili-on ang kahimtang sa City of Naga, Lalawigan sa Sugbo human nga gi-agian ni Odette.

Ang maong dakbayan adunay mga suroyanan nga gihugpaan niadtong gustong mag-unwind.

Usa na niini ang ilang inila nga Boardwalk, Disneyland park, Pasilong sa Naga ug ang Plaza sa maong dakbayan.

Hayan molanat pa og pipila ka buwan o tuig, una mabalik ang hitsura sa maong dapit.

Ang local government unit naningkamot sa ilang beautification projects aron nga moluta sa mga Sugboanon ug sa mga hinuroy ang nindot nga lugar sa City of Naga, apan sa usa ka pamilok gilampornas ni Odette.

Atong sud-ongon ang before and after sa mga pipila ka dapit sa City of Naga.