ANG Tagbilaran City Government nipaubos sa field assessment ug validation isip usa sa shortlisted entries alang sa 2019 PANATA GAPAS (Panata ko sa Bayan, Gawad Paglilingkod sa Sambayanan) Award Search for Outstanding Local Government Unit (LGU) Implementing Sustainable Livelihood Program (SLP) under Employment Facilitation (EF) Track.

Niadtong Nobiyembre 28, 2019, ang SLP National Program Management Office (NPMO), girepresentahan ni la ni Arvin N. Obnasca ug Karen Kimberly B. Pedro nihimo og assessment ug validation sa pag-ila ug pagsusi sa gisumiter nga Means of Verifications (MOVs) sa LGU nga nasulod sa 5 criteria nga gilatid sa Central Office.

Kini naglakip sa presentation and participation; transparency and accountability; civic engagement; effectiveness and equity; ug sustainability.

Matod ni Obnasca, ang actual field assessment ug validation maghatag og opurtunidad sa qualified participants sa pagpakita sa mga dokumento nga wala naapil sa ilang gipasa aron pagpalig-on sa ilang kahigayonan sa pagkuha sa award. (PR)