Dear Papa Joe,

Tawaga lang ko og Richard, taga Cebu ra.

Kining akong gipadala di gyud ni akong problema kon di sa mahug nakong ig-agaw nga adopted sa akong tiyo. Namatay na akong tiya ug bag-o lang namatay pud akong tiyo ug kaning adopted nila mao pa gyuy nag atiman nila. 21 anyos na ning bataa ug karon gusto palayason sa usa ka igsuon sa iyang amahan. Kami kay sa side man sa asawa.

Wala kuno siyay katungod kay ampon lang daw pero bisan sa SSS ang adopted man ang beneficiary. Unsa may buhaton namo?

RICHARD

Richard,

Ang maayo mao nga moduol mo og abogado para matabangan mo sa katungod. Ayaw na lang na niya patubayi para di sad maksingon na nag-apas na siya sa katigayunan. Mas maayo magpaubos siya.

Wa man tay laing mahimo ana gawas sa pag adto o pag duol og abogado inubanan sa iyang mga dokumento na nagpamatuod nga legal siyang adopted. Kana lang gyud, Sir, ug daghang salamat.

Papa Joe

(sa inyong tampo ipadala lang sa papajoesuperb@gmail.com)