Dear Papa joe,

Si Gino diay ko. Na naa sa Labangon, Cebu City nagpuyo. Ang akong suliran kay kabahin sa among kahimtang sa akong asawa.

Di pa mi kasado ug naa mi anak usa. Nangipon ra mi sa iyang pamilya kay lagi di niya kaya biyaan iyang mama kay wala na silay papa ug siya nalang nag-suport sa iyang mama kay minyo na man sad ang uban niyang mga igsuon pero wala say tarong trabaho.

Galahi man hinuon mi og kaon pero ang akong problema kay ang akong mga gamit kay gamiton man sad nila, labi na akong motor nga gidatahan pa pero sayon sayunon ra nila og gamit kay ako laging asawa nakangalan pero ako gadata.

Huot na kaayo akong dughan. Di man sad mobiya akong asawa. Unsaon man ni nako? Palihug tambagi ko.

GINO

Gino,

Pasabta ang imong asawa nga di gyud maayo mangipon kay di mo kabarug isip pamilya ana. Kon di siya kabiya sa iyang mama, dalhon ninyo kon maglain mo. Mahug ra na sa dakong gubot kon masilo na mo sa usag usa diha ug mabungkag lang mo nga bati og buot. Kay kon tinuod sad ka kamahal sa imong asawa, mosanong sad na siya sa imong punto.

Kon kaya nimo, pero tan aw nako lisud, mao ang pagpranka nga di na common imong mga butang. Pwede masuko sila nimo pero pwede sad makasabot sila nimo. Who knows, di ba? Basta sa kaminyuon, mas maayo maglahi. Kana lang ug daghang salamat.

PAPA JOE