Dear Papa Joe,

Tawaga lang ko sa pangalan nga Maricel, 30 anyos, minyo pero naa sa gawas akong bana nga usa ka seafarer.

Nasayod ko nga daghan maka-relate ani akong problema sa silingan. Kaning amo kay subdivision man. Karon nagpa-renovate ni sila sa ilang balay unya akong gihangyo nga mag-amping. Karon na-damage man akong mga tanom ug mga butang sa gawas tungod sa semento. Unya hitak kaayo ang mga panday. Karon akong gisukmatan. Di man sila manginlabot sa damage kay sa panday kuno to nga sala.

Karon di na ko ganahan motingog nila kay nahiubos kaayo ko. Unsa may buhaton nako? Tambagi ko.

MARICEL

Maricel,

Sakto ka nga daghan maka-relate ana ug usa na gani ko.

Well, kon gusto gyud ka, iadto na sa inyong home owners association Ireklamo.

Dapat unta sa subdivision, kon magpapanday og dako, kinahanglan naay permit aron kon maningil sa damages, naay papelis, construction bond ba. Apan kon di mopatuo, pwede sad na ideretso nimo sa Office of the Building Official aron pangitaan og permit. Kay simbako malusno, malumpag, obligado gyud sila sa balaud. Apan mao lagi na, makaguba og pagtinagdangay.

PAPA JOE

(para sa inyong tampo ipadala lang sa papajoesuperb@gmail.com)