DEAR Papa Joe,

Tagua lang ko sa ngan nga Faye, di tinuod nga ngalan, 23 years old, taga Talisay City. Akong problema kabahin sa akong ka live in. Sa una maayo kaayo ni siya nako pero karon labi na wa siyay trabaho, saputon labina kon balibaran nako kon lawasnong kalipay na iyang pangayuon. Bisan, pa gani naa nako, mamugos gyud siya ug ang nakasamot karon kay manapat na siya kon mobalibad ko kay hadlok ko mamabdos labi na karong panahuna nga wa siyay trabaho. Kusion ug labtikan ko niya kon mobalibad ko kay calendar method man akong gigamit ug di matumong, di gyud ko. Unsaon kaha ni nako? Palihug tambagi ko.

FAYE

Faye,

Kon ako pa amahan nimo papulion ta ka sa ato uy. Di man na gugma ing ana, pangunsumo ang tuyo ana niya. Tinuod makasabot ta nga kon magtipon ang babaye ug lalake, di man na ikaingon nga di na buhaton, pero di pinugsanay kon naay rason. Ingna siya nga mouli na lang ka kon mao na o ingna siya kay pwede nimo siya pasakaan og kaso. Bisan pa gani kasado basta mamugos, pwede kasuhan nimo og rape. Suwayi siya og sulti ana aron mahibaw-an nimo unsa gyud tuyo ana niya sa inyong relasyon.

PAPA JOE

(sa inyong tampo ipadala sa papajoesuperb@gmail.com)