Dear Papa Joe,

Tawga lang ko sa pangalan nga Salvador, 44 anyos, minyo, usa ka trabahante. Di lang nako isulti unsa akong trabaho kay delikado.

Niadtong Mayo, nakapamati ko og lain sa akong lawas pero gatuo ko nga ordinaryong hilanat lang ni. Wa koy ubo pero sakitsakit akong lawas mao nagduda ko nga na-Covid ko. Pero wa ko mosulti sa akong mga kauban kay sila mismo naa say gipamati sama sa sinusitis kay init man ug mura daw moinit ilang panit.

Sa kahadlok nako wa na lang ko mosulti, pero sila nasakit gyud ug nag-positive. Wa ko mosulti hangtod naulian ko human ang duha ka semana nakong dinala kay di man mailhan. Pero guilty ko kay basin ako ang nakatakud nila. Pero what if sila nakatakud nako? Mosulti na lang kaha ko? Palihug tambagi ko.

SALVADOR

Salvador,

Naa ra gyud na nimo if motug-an ka or dili pero basin sayop ka unya ikaw na hinuon ang mahan-ukan sa tanan. What if sila maoy nakatakod nimo, kay asymptomatic man imong sitwasyon. Kon Mayo pa to, meaning nag-mask na ta kasagaran.

Kon wa ka moubo, way pisik sa laway, gawas gadug-ol siguro kaayo mo. Pero sa sitwasyon karon, murag lisud pamatud an. Pero again, wa man kay kapasikaran nga na-Covid ka. Meaning, naa ra na nimo kay di man tanang sakit nga susama sa flu Covid na.

Papa Joe

(sa inyong tampo ipadala sa papajoesuperb@gmail.com)