Dear Noy Kulas,

Please hide my real identity. Just call me Reni. Taga Cebu City ug dalaga pa bisan 34 na ko. Kadaghan na ko mailad sa gugma kay ambot dali ra kaayo ko madala sa atik atik.

Karon duna koy uyab nga taguon lang nato sa ngan Rolly. More than a year na mi nga nagkauyab but mystery siya para nako until akong na discover siya but late na kaayo. Usa ni siya ka manager og sales company ug naa diri nadestino.

Nahibung kaayo ko nganong wa siyay social media account. Tagsa rang tawo nga way Facebook unya ingon man niya nga di siya ganahan. Kon naa pa unta, mahibaw-an nako siya nga minyo. Karon, uwahi na kay mabdos na ko. Nasuko siya pagsulti nako sa iyaha nga mabdos ko. Gusto niya ipakuha ang bata but against ko sa idea.

Noy, kalit ra siyang nawagtang ug sa akong nahibaw-an nagpa transfer siya sa laing lugar. Unsaon man ni nako nga siya man ang papa? Makakiha ba ko niya og child support? Please tambagi ko.

RENI

Ren,

Mao gyud ang nakalisod sa imong sitwasyon kay gukdunon mo pa siya unya mag prove pa gyud ka nga siya ang papa. Gikinahanglan man nimo ni. Whatever ang inyong communication nga electronic, I save na kay basin magamit na nimo puhon kon maningil ka na niya.

Makadangop ka niya sa korte kon gusto ka og child support apan kinahanglan nga imong pamatud-an nga siya ang amahan. Medyo kuti ni but kon gusto ka nga manubag siya sa iiyang kaakuhan, mahimo kaayo nga imo siyang mareklamo. Pangayog impormasyon sa kompaniya kalabot sa iyang tanang pagkatawo. Dangop sa ilang HR office aron magiyahan.

NOY KULAS

kulassuper@sunstar.com.ph