DEAR Noy Kulas,

Just call me Janice, 28 years old, usa ka single mother nga alone sa pagpadako sa akong duha ka mga anak kay ang ilang father nga toa sa abroad nagtrabaho wa na mo-communicate nako. Bisan ang iyang pamilya niingon nga wan a sila kahibawo asa ang akong partner. But someone told me sa Facebook nga ang akong partner naminyo na ug duna nay pamilya sa Luzon ug toa siya mag-stay.

Maglisod ko og trace kay siya illegal nga nag-work sa gawas kay ang iyang visa tourist sa iyang paglarga. Nakatrabaho na kuno siya didto sa abroad. Didto niya na-meet ang iyang asawa karon. Akong gisuwayan og trace sa Facebook kay gihatagan ko og information sa naghatag nakog clue hain ang akong partner.

Luckily, akong nasubay ang iyang misis sa Facebook ug nakig-communicate ko. Niangkon siya nga minyo na sila sa akong partner but wa silay anak. Pagkahibawo sa akong partner, ni-communicate siya nako ug nangumusta. Gusto siyang mouli aron i-explain niya ang tanan. But ang akong parents nga maoy nagtabang sa support ug pag-atiman sa kids against kaayo. Mouli siya diri sa Cebu karong November ug gusto siya nga makigkita sa kids but nasuko og maayo ang akong parents. Bahala kuno og magbalik mi basta ang kids di nila ihatag.

Unsa may akong buhaton, Noy? Makapugos ba ang akong partner nga ma-meet niya ang mga bata? Bisan sa iyang gibuhat, love gihapon nako and mao na ang reason wa ko mangita og lain. Pasayluon ba nako siya sa iyang gibuhat sa amoa? Please advice me.

JANICE

Jan,

Kon siya ang legal father based sa mga birth certificate sa mga bata, duna siyay legal rights isip ilang amahan. Way balaud nga makapugong pagpakigkita niya kanila. Unless tingali kon mokiha ka niya tungod saw a niya pag-support sa mga bata sa nanglabay nga katuigan. Apan ingon man ka nga love mo pa siya, so, very unlikely nga imo siyang ireklamo.

Sulthi ang imong parents nga di sila makahikaw sa amahan sa mga bata nga gusto lang makakita sa iyang mga anak. Kutob ra diha. Unya pangayog suporta na niya kay siya ang amahan. Kana maoy usa sa mga kondisyon nga angay mong i-set kon gusto siyang makakita sa mga bata.

Ayaw na pagpatunto niya kay iresponsable siyang pagka lalake. Iya mong giabandunar. Ikaduha, minyo na siya bisag unsaon pag bali-bali. Wa nay mahitabo ninyong duha kay ni-cross siya sa boundary of no return sa iyang pagminyo sa laing babaye.

NOY KULAS