Dear Noy Kulas,

Tawga lang ko og Juan, 40 years old na ug dunay duha ka anak. Usa ko ka OFW kaniadto, pero karong pandemic wa ko kabalik kay daghang papers ang gikinahanglan ug gisamukan ko.

Sa didto pa ko sa gawas, nakarelasyon ko og duha ka mga babaye nga taguon lang nato sa ngan nga Gina ug Belen. Una nakong nauyab si Gina ug na live in gani nako kay nadala sa akong diskarte nga ulitawo pa ko. Kani si Gina minyo sab. Si Belen, amiga ni Gina, akong gisekreto og uyab. Nisugot ra siya kay ganahan siya nako. Single mother ni si Belen.

Karon pag-uli nako, tarong ko nananghid nila nga mouli ko ug sila nabilin kay nagpadayon sila og work. Last week na shock ko kay ni chat sila nako nga nanganak na silang duha ug ako ang amahan. Sa akong kwentada, sakto ra ba ang edad sa mga bata. Gusto sila nga ilhon nako nga akong mga anak ang ilang gianak. Nihulga sila nga magubot kay nakahibawo na sila nga pamilyado ko. Unsa kaha ang akong buhaton ani, Noy Kulas? Nahadlok ko sa ilang hulga nako.

JUAN

Juan,

Nisangpot na gyud ang imong pagkadukirok sa babaye. Wa ka pa matagbaw sa usa, naay lain nga amiga pa niya.

Naa ra na nimo kon moangkon ka o di nga ikaw ang amahan. Apan makatulog kaha ka nga nakahibawo ka man nga ikaw ang amahan sa mga bata. Mas maayo pang mosugod na ka og process sa imong papers aron makabalik ka sa abroad ug manubag sa imong responsibility.

Kon naka chat na ka nila unya niangkon kang ikaw ang amahan, ma pressure kang segurado kon ila ning gamiton against nimo. Aron mahilot, suportahi ang mga bata. Hinayhinayag pasabot pud ang imong asawa.

NOY KULAS

rojval69@yahoo.com ug kulasssuper@sunstar.com.ph