Subling miawhag si kanhi Senior Associate Justice Antonio Carpio aron mapatuman ang legal victory sa West Philippne Sea (WPS) nga dili mosangpot sa giyera. Magkonbensyon ang Pilipinas, Vietnam, Malaysia ug Brunei nga mosalikway sa China sa wala pagsanong sa hukom sa UN Arbitral Tribunal sa 2016.

Mosang-at og extended continental shelf claim nga ang China tua ra sa atbang nga coastal state. Ipatrolya ang multi-role response vessels nga gidonar sa Japan. Modasig sa freedom of navigation ug overflight operations sa US, UK, France, Australia, Japan, India, South Korea ug Canada ubanan sa Philippine Navy (PN) aron mapatuman ang UN Convention on the Law of the Sea. Mosuporta sa pribadong sektor aron mapatuman ang gasa sa UN Arbitral Tribunal.

Ginganlan ni Pres. Rodrigo Duterte si Carpio nga ugok. Kanunayng mosulat og desisyon nga kutob lang sa iyang utok. Mihagit og debate nunot sa tanyag nga moluwat kon bakak ba nga si Carpio ug kanhi Department of Foreign Affairs (DFA) Sec. Albert del Rosario nga nagpasibog sa PN ships sa Scarborough Shoal panahon ni Pres. Noynoy Aquino gumikan sa kagubot tali sa Chinese vessels sa 2012 nga nisangpot nga nakakontrolar ang China.

Panahon ni Pres. Fidel Ramos nailog sab sa China ang Mischief Reef sa WPS. Debatihan sab ang arbitral award nga usa lang ka papel nga ihan-ok sa basurahan. Gilakbitan kadtong saad ni Duterte nga mosakay og jetski aron tamnan og bandila ang WPS. Apan misibog si Duterte sa tambag sa pipila ka mga sakop sa kabinete ug senador.

Gipasalo ni Presidential Spokesperson Harry Roque sa baruganan nga walay gitugyan nga teritoryo gani pito ka Chinese Militia vessels gipapahawa sa Philippine Coast Guard sa Sabina Reef. Miliwag sa iyang hagit si Roque ngadto nila ni Vice Pres. Leni Robredo ug del Rosari.