SA KALIBOTANONG hulga sa Covid-19, giduot sa tumang kalisod ang mga timawa o alaot nga nagsalig sa limos sa kaluoy. Kabus nga dili makapaiskuyla sa mga anak. Ang kasarangan nga dunay trabaho dili makasapar sa panginahanglan apan, ang mga adunahan wala matarog ug nakanegosyo pa panahon sa pandemiya.

Base sa Forbes Magazine, ang mga bilyunaryong Filipino mao sila si Manny Villar sa land development ug prime water infrastructure, Enrique Razon Jr. nga port terminal operator ug gaming tycoon, Henry Sy Sr. (PSK) sa SM Prime Holdings ug Real Estate. Mga anak ni Henry Sr. sila Hans Sy, Herbert Sy, Henry Sy Jr. ug Elizabeth Sy-Coson. Lucio Tan nga nanag-iyag bangko, ayroplano, Asia Brewery ug Fortune Tobacco. Andrew Tan nga property magnate. Roberto Ongpin nga laing business tycoon. Tony Tan Caktiong nga Jollibee founder.

Laing mga dagkong negosyante sila si Ramon Ang, Robert Coyiuto Jr., Eduardo Cojuangco (PSK), John Gokongwei Jr., David Consunji, magsuong Jaime Agusto ug Fernando Zobel de Ayala sa Manila Water, Aboitiz family, George Ty, Manny Pangilinan sa Maynilad, radio ug telebisyon, Lucio and Susan Co, Dennis Uy nga nakatukod og 36 ka kompaniya.

Bilyunaryo sa tibuok kalibutan sila Jeff Bezos-US nga Amazon founder, Bernard Arnault-France nga luxury goods tycoon, Bill Gates-US nga computer inventor, Warren Buffet-US, Carlos Slim Helu-Mexico sa natad sa komunikasyon ug teknolohiya, Larry Elison-US, Amancio Ortega-Spain, Eike Batista-Brazil ug Cristy Walton-US.

Silang mga bilyonaryo wala matarog sa Covid. Apan unsa ka tinuod nga scam diin na-brainwash sa globalists aron pagkontrolar sa kalibotan sama nila ni Bill Gates, Rockefeller, Big Pharma, Dr. Anthony Fauci, World Health, binayrang scientists ug China? Ingon og walay kahumanan ang pandemya gumikan sa lainlaing variants gikan sa UK (Alpha), South Africa (Beta), Brazil, Phil. (Theta), France ug India (Delta). (csa_1156@yahoo.com / 09064648954)