Opinyon

Lariosa: Pulitika sa San Fernando

Ernesto Lariosa

MALINAWON ang pulitika sa San Fernando. Gikan nilang Mayor Leocadio Llanto sa 40’s, Mayor Mariano Genebraldo sa 60’s ug Mayor Antonio Llanto Canoy sa 90’s.

Diha na mosud ang kausaban sa hiyog, templa ug kainit sa 2000. Di ko motuo nga tungod ni sa pag-abot sa mga Reluya nga agresibo sa kampanya.

Kini tungod sa temperamento sa panahon diin nagkainit nang pulitika sa nasod. Naamguhan na sa mga pulitiko ang kabug-at sa ngalan, impluwensiya, gahom ug panguwara diha sa pulitika.

Kahadlukan na ang pulitika sa San Fernando tungod sa sunodsunod nga pagpatay sa 5 ka mga dagkong pulitiko gikan sa miaging tuig hangtod karon.

Politically motivated ang patay? Motuo pa ko nga kini drug-related o kaha personal grudge. Kadto silang Ariesgado, Donaire ug Dacalos gidungog nga mga kuyamoy ni Sabalones.

Di ko motuo nga mikakak ang akong classmate nga si Abe Canoy kay mius-os sa pagka bise mayor na lang. Puno siya sa kasinatian way katarungan nga siya mahadlok. Ang hukom dunay igong rason nga siya ray nahibawo.

Tungod sa negusyo ang pagdagan ni Ruben Feliciano kinsa wa isyuhi og permit ni Mayor Reluya sa pag-ugmad og pantalan sa katarungan nga kuwang siyag rekisitos. Nikiha kang Reluya sa Ombudsman.

Sakaon nga modaog si Feliciano kay di taga San Fernando. Ang iya mao ra ang hospitality votes samtang kang Reluya mao ang strong native votes gikan sa kaliwatan ug taga San Fernando.

Ni-pick up kuno ang kampanya ni Feliciano tungod ni Abe Canoy. Apan nagkatawa lang ang Generalao clan diin gikan si Nenet Reluya kay iyang apuhan Generalao.

Usa kini sa labing dako nga family clan sa San Fernando. Gani ang amahan sa akong great grandmother mao man si Catalino Generalao nga usa sa mga early Cabeza de Barangay sa San Fernando.

Sayri Kini. Karong adlawa May 1, birthday sa NFA dormitory chief Robert Cabrera. Mi amigo, panghinaot sa kalampusan sa pamilya sa umaabot. Happy Birthday!

Tinago Barangay Hall, shown here on May 2, 2024, received a “Notice of Violation” from Cebu City’s Task Force Gubat sa Baha for the concrete wall behind it that lies within the three-meter easement zone of the Estero de Parian. /

Anti-flood Task Force targets gov’t offices

City sports center revamp 50% done as Palaro looms

DOH: Delayed Covid allowances ‘underway’

Cedric Lee, Deniece Cornejo ‘guilty’ in Vhong Navarro illegal detention for ransom case

HIV ‘not a legal ground’ to terminate employees