Grabe diay ang kaso sa kidnapping, apan dili for ransom. Kilkilan lang og dakong kantidad sa kuwarta.

Usa sa mga kaso ang nahitabo sa usa mga commercial establishment sa Siyudad sa Mandaue.

Ang report nga nadawat sa Agila nagkanayon nga paggawas sa opisina sa biktima padong mosakay sa iyang sakyanan kalit nga gisipitan sa upat ka mga dagko ug tag-as nga mga lalake.

Dunay milyon nga dala ang negusyanteng lalaki para ipuhunan sa sugal. Gipasakay sa pickup sa mga armadong tawo ang biktima ug wa pa mahibaw-i kon asa gidala.

Nagtuo ang pamilya sa biktima nga nasaypan lang nga maoy kidnapon. Apan posible nga maoy target kay duna may dala nga milyon.

Apan dunay usa ka anggulo nga dunay kasabot ang kaila sa negusyante kabahin sa lugar nga ilang pagaadtoan alang sa dakong tigbakay.

Sa Danao City, dakong negusyante gikatahong gidapit samtang miduaw sa iyang farm sa bukirang barangay

Di man makiangayon ang pagpasangil og tawo.

Matod pa, mga unipormado ang usa sa mga gidudahan sa naghimo sa krimen.

Kon dili man kini kidnapping for ransom, apan gikinahanglan himoan kini ug seryusong imbestigasyon sa kapulisan.

COVID