Miubos tuod ang kaso sa Covid-19 sa Cebu City, apan dili kita angayang mokompyansa kay misaka ang kaso sa mga silingan probinsya sa Sugbo.

Ang Department of Health (DOH) miawhag sa mga opisyal sa mga ospital sa Visayas ug Mindanao (VisMin) nga dugangan ang bed capacity alang sa Covid patients.

Ang tinakdanay nagikan sa mga tawo sa Luzon ug National Capitol Region (NCR) Plus nga mipauli sa ilang lugar sa Visayas ug sa Mindanao.

Gikinahanglan lang nga sundon ang standard health protocol nga nalatid sa Inter Agency Task Force (IATF) sama sa pagpaubos sa swab test ug pag-quarantine.

Samtang sa Cebu City, miubos sa double digit sa 75 ang Covid-19 cases apan wa magpasabot nga mokompiyansa ang katawhan.

Mao man nga nag-leave sa pagkakaron si Cebu City Mayor Edgardo Labella human milampos sa kampanya nga iyang gipangoluhan. Sa miaging mga buwan miabot ngadto sa kapin sa usa ka gatus ngadto na sa 200 kapin ka mga kaso.

ONLINE LIBEL