WALA na kadagan ang 11 ka mga sabungero dihang nakorner sila sa Davao City Field Unit (DCFU) sa Criminal Investigation and Detection Group (CIDG) Davao Region alas 5 sa hapon niadtong Nobyembre 28 sa Barangay Tawan-Tawan, Baguio District, Davao City.

Sa impormasyon gikan sa DCFU-CIDG head Police Major Milgrace Cajes Driz nga usa ka Oplan Bolilyo kun campaign against illegal gambling ang ilang gilusad subay sa impormasyon nga ilang nadawat.

Gilayon nilang gihimo ang operasyon uban sa koordinasyon sa Baguio Police Station sa Davao City Police Office nga miresulta sa pagkasikop sa 11 ka sabungero diin nakuha sa ilang posisyon ang mga manok ug ang P112,460 nga pusta.

Giandam na ang kasong paglapas sa Republic Act 11332 nga ipasaka batok sa mga dinakpan didto sa korte. (Jeepy P. Compio)