COTABATO CITY -- Natusak-tusak sa bala ang usa ka batan-on human sa nahitabong pagpamusil sa Pagalamatan Road, Barangay Tamontaka, alas 5:30 sa buntag niadtong adlaw nga Sabado.

Giila ang napatay nga si Dailo Patchoy, 16-anyos, taga Barangay Dalican, ug si Datu Odin Sinsuat, taga Maguindanao.

Sa taho gikan sa Cotabato City Police Office (CCPO) nga samtang naglakaw ang biktima paingon sa balay sa iyang klasmet, kalit lang mibutho ang duha ka wala mailhing tawo ug gitabangan sa pagpusil si Patchoy gamit ang kalibre .45 nga pistola ug 9mm pistol.

Abtik sab nga miikyas ang mga namusil sakay ang motorsiklo paingon sa hilit nga dapit sa siyudad.

Patay gilayon ang batan-on nga naka-angkon og daghang samad pinusilan sa nagkadaiyang parte sa iyang kalawasan.

Ang napatay kinsa kanhi nalambigit sa pagpayuhot sa ginadiling drugas ang possibling rason sa kamatayon niini.

Sa pagkakaron, padayon nga nag-imbestiga ang kapulisan sa siyudad sa Cotabato sa pagpamusil patay sa biktima.