USA ka simpleng seremonya inubanan sa pag-ampo ug blessing ang gihimo sa lokal nga gobyerno sa siyudad sa Davao subay sa ika-16 nga anibersaryo sa April 2003 Sasa wharf bombing, Martes.

Ang paghinumdum sa sakit nga kagahapon sa siyudad gipangunahan sa City Social Service Development Office (CSSDO).

Kahinumduman nga atol sa pagpamomba niadto, 17 ang namatay ug 56 ang samdan.

Ang seremonya sa mismong blast site gitambungan sa kabanay sa biktima ug mga opisyal sa dakbayan.

Mga nabiling anak sa mga biktima giayudahan sa lokal nga gobyerno pinaagi sa pagpatungha kanila. (RGV)